St. Georgsdagur Skátagildanna á Íslandi verður haldinn sunnudaginn 27. apríl nk. kl. 14 í Björgunarmiðstöðinni v/ Bakkabraut í Kópavogi, í skemmu Hjálparsveitar skáta í Kópavogi. Gengið er inn frá bátahöfninni, yst á Kársnesi.
Það er Kópavogsgildið sem hefur umsjón með deginum og býður upp á áhugaverða dagskrá:
- Fulltrúi frá HSSK tekur á móti gildisskátum og sýnir nýuppgert húsnæðið og segir frá starfinu.
- Falleg orð: Ásta Ágústsdóttir, skáti og djákni í Kópavogskirkju.
- St. Georgsboðskapurinn lesinn.
- Söngur
- Kaffi og meðlæti (1.000 kr. á mann)
- Atriði frá gildunum
Áætluð slit kl. 16.30
Gildisskátar í Kópavogi vonast eftir að sjá sem flesta.
Vináttudagurinn var að þessu sinni hann haldinn í Borgarnesi 19. október sl. og var það stjórn skátagildanna sem sá um dagskrána. Um 60 gildisskátar mættu frá öllum gildum nema Hveragerði. Bæði skátagildin á Akureyri tóku þátt. Að auki var ýmsum gömlum skátum boðið.
Þá er fundargerð landsgildisþing 2013 loks komin inn á heimasíðuna. Einnig fylgja skýrslur gildismeistara sem eru fróðlegar aflestrar. Þetta var all stormasamt þing og ljóst að gildisskátar hafa skoðanir á félagsskapnum. Helstu breytingar eru þær að fækkað hefur verið í stjórn skátagildanna úr sjö í fimm og nú er aðeins einn varamaður í stað tveggja. Ákveðið var að skipa tvo vinnuhópa, annan til að yfirfara samþykktir gildanna og hinn til að vinna að upplýsinga- og útbreiðslumálum gildanna.
