Skátagildin á Íslandi

..ávallt skáti

Home

Fréttir

Vináttudagurinn 19. október í Hveragerði

Þriðjudagur, 30. september 2014 11:37

Hveragerðisgildið býður til Vináttudagsins sem verður í Hveragerði sunnudaginn 19. október kl. 14 í Skátaheimilinu að Breiðumörk 22.

Þar ætlum við að hlýða á boðskap dagsins og eiga notalega stund saman. Norbert Muller hjúkrunarfræðingur kemur og kennir okkur að hlægja.

Þau skátagildi sem vilja, komi með sín skemmtiatriði.

Veitingar kosta kr. 1.200,- á mann. (Hraðbanki í næsta húsi).

Gildismeistarar eru beðnir að skrá þátttöku félaga sinna fyrir þriðjudaginn 14. október n.k. til Magneu Árnadótturí síma 862 0842, 483 4440 eða eða á maggadís@símnet.is

Síðast uppfært: Þriðjudagur, 30. september 2014 11:41

Aðalval

Sögustiklur

1966: Á Landsgildisstjórnarfundi 10. júní var rætt um að senda Jennu Jónsdóttur á þing St. Georgsgilda í Danmörku, en hún ætlaði á þjóðdansamót þar í landi. Einnig var ákveðið á þessum sama fundi að taka upp búning fyrir St. Georgsgildin, brúngrænar peysur. Panta átti nokkrar peysur og sýna þær á fundi í St. Georgsgildinu í Hafnarfirði og senda síðan nokkrar til gildanna úti á landi.

Á Landsgildisstjórnarfundi 6.október kemur fram að ágóði af tesölu St. Georgsskáta á Landsmóti skáta 1966 á Hreðavatni hafi orðið 5.020 krónur. Landsgildið sá um móttöku gesta á Landsmótinu.

Á fundinum var einnig lagt fram bréf frá landsgildismeistara Noregs um að St. Georgsgildin í Noregi, Danmörku, Íslandi og Svíþjóð hafi fund saman, þar sem rætt yrði um nánara samband milli gildanna og skáta á ýmsum stöðum.

Landsgildismeistari, Eiríkur Jóhannesson, skýrði frá tillögu frá IFOFSAG um að halda hátíðlega 24. eða 25. október ár hvert, en 25. október er stofndagur IFOFSAG og Sameinuðu þjóðanna.

Á þessu ári reisir St. Georgsgildið í Hafnarfirði skála við Hvaleyrarvatn. Skálinn var síðar vígður 25. júní 1968 og nefndur Skátalundur.

Niðurhal skjala

Fundargerd_landthings_2011.pdf	2093kB	2011-09-11 14:16:23
Landsgildisthing_2013_fundargerd.pdf	499kB	2013-08-28 16:38:54
St_Georgs___vgsla.pdf	47kB	2010-11-10 17:41:21
VinattudagsBodskapur2011.pdf	53kB	2011-10-18 17:25:38
VinttudagsBoskapur2010.pdf	88kB	2010-11-09 21:32:38
fridarlogi_kynningarbaeklingur.pdf	604kB	2010-11-26 16:16:50
landgildisthing_2015_fundargerd.pdf	2216kB	2016-05-07 14:04:54
samthykktir_skatagildanna_a_islandi_2015.pdf	194kB	2015-05-10 23:42:50
samthykktir_skatagildin_a_islandi_2013.pdf	73kB	2013-08-28 15:38:36